Në vitet e fundit ka një dinamikë më të ngadalshme sa i përket njohjes së shtetësisë së Kosovës nga vendet tjera.

Situata është shumë komplekse, në këtë aspekt sipas zëvendësministrit të Punëve të Jashtme, Valon Murtezaj.

“E para një numër i madh i njohjeve veç kanë ardhur,114 njohje”, ka thënë Murtzaj, njofton Klan Kosova.

“Për fat të keq nuk kemi njohje nga pesë vendet e BE-së dhe këtë nuk e ka pritur askush”, ka shtuar ai në “Ora e Fundit”.

“Përpjekjet tona janë në dy drejtime, njohja nga vendet e BE-së, më pas përtej. Dhe më pas organizmi nëpër organizata rajonale dhe ndërkombëtare”.

“Nuk është e lehtë kemi edhe vet mangësi, mungesa ndërinstitucionale”.

“Mungesa e njohurive tona për anëtarësime. Nuk ka bashkëpunim institucional deri në masën e nevojshme. Ne duhet të jemi perfekt, përndryshe gjasat tona zvogëlohen”, ka theksuar Murtezaj.

“Nuk është çështja vetëm te partnerët e koalicionit, por edhe mentaliteti i përgjithshëm – kemi dëshirë të funksionojmë si të pavarur dhe kjo na ngadalëson. Kemi nevojë për  sinergji pozitive që t’i rrisim njohjet dhe anëtarësimin nëpër organizata. E kemi edhe ndikimin Rusisë në rajon dhe kjo nuk është sekrete”, ka përfunduar ai.